Installasjonsguide
Installasjon av Geogebra
Geogebra fungerer på mange forskjellige system:
Offline installasjon
Online installasjon
Det anbefalast å installere ein offline installasjon av Geogebra, då du ikkje er avhengig av internett for å arbeide med Geogebra. Under kan du lese meir om installasjonen for dei ulike systema.
GNU/Linux
Denne seksjonen forklarar korleis du installerer Geogebra lokalt. Om du ynskjer kan du og bruke Java Webstart, som er forklart her.
GNU/Linux kjem i mange variantar. Dei fleste linux distribusjonar er utgåver av anten Ubuntu eller Fedora(ein gratis variant av Red Hat). Ubuntu brukar pakkesystemet deb, medan Fedora brukar pakkesystemet rpm. Desse deb- eller rpm-filene kan lastas ned og installerast med pakkebehandlaren til distribusjonen. Installasjonen går difor som følgjer:
- Last ned deb- eller rpm-fil
- Opne fila i pakkebehandlaren ved å dobbeltklikke på ho
- Vel å installere programmet
Detaljert framgangsmetode
Her visast detaljert framgangsmetode for Ubuntu, men andre distribusjonar har tilsvarande framgangsmetode.
Gå til nedlastingssida og last ned deb-fila.
Vel å lagre fila.
Opne deb-fila ved å dobbeltklikke på ho i filbehandlaren eller opne direkte frå nedlastinga i nettlesaren.
Ubuntu programvaresenter opnast. Trykk på Geogebra og vel Installer.
Medan installasjonen held på visast Framgang i toppen av vindauget.
Når Geogebra er installert finn du det på menyen. Du kan og søkje etter det frå Unity-menyen.
Installasjon utan manuell nedlasting
Geogebra kan og installerast på dei fleste distribusjonar av GNU/Linux utan nedlasting. Opne berre pakkebehandlaren og søk etter Geogebra.
Installasjon på Unix-system som ikkje har pakkebehandlar
Du kan og installere Geogebra på andre Unix-system.
Opne ein terminal. Last ned tar.gz-fila:
wget http://www.geogebra.org/download/?os=unix -O GeoGebra-Unixlike-Installer.tar.gz
Pakk ut fila:
tar zxvf GeoGebra-Unixlike-Installer.tar.gz
Gå til utpakka katalog:
cd geogebra-4.2.51.0
Lag /usr/share/geogebra(dette er ein bug i 4.2.51):
sudo mkdir /usr/share/geogebra
Installer:
sudo ./install.sh
Køyr:
geogebra
Om du ynskjer ein snarveg på skrivebordet, kan du peike til /usr/bin/geogebra. Avinstallasjon gjerast ved:
sudo ./uninstall.sh
For fleire detaljar, les fila README som følgjer med.
Mac OS X
For Mac OS X kan du velgje mellom å installere Geogebra lokalt på maskina eller starte Geogebra frå Java Webstart. I dette avsnittet er lokal/offline installasjon forklart.
Installasjonen på Mac OS X gjerast i følgjande steg:
- Last ned geogebra
- Pakk fila ut
- Dra Geogebra over til Programmer
- Høgreklikk på Geogebra og vel Åpne
- Trykk på Åpne i dialogvindauget som kjem opp
- Geogebra er no installert og kan opnast på vanleg måte heretter
Detaljert framgangsmetode
Gå til nedlastingssida og vel Mac OS X.
Siste versjon av Geogebra blir lasta ned til di maskin i ei zip-fil.
Om du brukar Safari, vil zip-fila verte automatisk pakka ut. Om du brukar Chrome eller andre nettlesarar, må du sjølv pakke ut zip-fila ved å dobbeltklikke på ho i Finder.
Når fila er pakka ut vil ho få ikon likt Geogebra sin logo. For å installere legg fila i mappen Programmer. Gjer dette ved å dra fila i Finder.
Fyrste gong Geogebra skal opnast, vil du få eit sikkerheitsvarsel: Kan ikke åpne «GeoGebra» fordi den kommer fra en ukjent utvikler. For å kome forbi denne varslinga må ein:
- Ctrl-klikke på GeoGebra
- Vel Åpne heilt øverst på menyen
- Vel knappen Åpne i dialogvindauget
Geogebra er no installert, og du kan heretter opne Geogebra på vanleg måte frå Finder eller Spotlight.
Windows
Denne seksjonen forklarar korlei du installerar Geogebra lokalt. Om du heller ynskjer å bruke Java Webstart, kan du lese om det her.
For Windows installerast Geogebra på følgjande måte:
- Last ned siste versjon
- Køyr fila
- Bekreft sikkerheitsvarselet
- Følg instruksane til installasjonsprogrammet
Detaljert framgangsmetode
Bilda her er frå Internet Explorer, men framgangsmetoden er den same for andre nettlesarar.
Gå til nedlastingssida og vel Windows.
Vel Køyr i dialogen som visast nedst i vindauget.
Vent medan fila lastast ned.
Når fila er lasta ned køyres installasjonsfila, og du må klikke Ja i sikkerheitsvarselet som kjem.
Installasjonsprogrammet opnast. Vel språk og trykk på Next.
Les brukarvilkåra og godta ved å trykke på Godta.
Vel Standard som installasjonstype og klikk på Neste. Om du sjølv ynskjar å avgjere kvafor mappe Geogebra skal installerast til, kan du velgje Custom.
Geogebra installerast. Når installasjonen er ferdig kan du velgje om du ynskjer å opne Geogebra med ein gong.
Du finn no Geogebra på startmenyen.
Chrome applikasjon
Installasjon
Opne Chrome og gå til nedlastingssida. Vel GeoGebra Chrome App.
Klikk på Legg til i dialogvindauget som dukkar opp.
Godta tilgangane Geogebra krev med knappen Godta.
Geogebra lastast no inn i fana. For å seinare opne Geogebra, opne ei ny tom fane. Om det ikkje allereie er valt, vel Programmer i botnen av fana.
Vel Geogebra i lista av tilgjengelege applikasjonar.
Geogebra opnast no i fana.
Java Webstart
Java Webstart er ein snarveg som lagrast på di datamaskin. Snarvegen peikar til siste versjon av Geogebra på nett. Når Geogebra startast frå snarvegen vil Geogebra lastast ned til di datamaskin og lagrast. Kvar gong Geogebra opnast, vil Java Webstart sjekke om det finns ein nyare versjon tilgjengeleg på Geogebras webtenarar. Difor er Java Webstart kjekt når ein ynskjer å bruke siste versjon av Geogebra.
Installasjon
Gå til nedlastingssida og vel Java Webstart.
Ei fil kalla geogebra.jnlp lastast ned til di datamaskin. Flytt fila til ein plass du finn ho, til dømes Programmer på Mac, Skrivebord eller Dokumenter på Linux/Mac/Windows. Du kan no starte Geogebra ved å dobbeltklikke på fila.
Ved fyrste oppstart, eller når ein ny versjon er tilgjengeleg vil Geogebra lastast ned. Då visast følgjande dialog:
Installasjonen er ≈10MByte:
\frac{10 \textrm{MB} \cdot 30 \textrm{elever} \cdot 8 \textrm{bit} }{10 \textrm{Mbit/sekund} \cdot 60 \textrm{sekund} } = 4 \textrm{minutt}Nettbrett
Det er mogleg å bruke ein avgrensa web-utgåve av Geogebra på nettbrett som Android, Ipad og Windows RT. Webapplikasjonen krev ingen installasjon og er tilgjengeleg på geogebraweb.appspot.com/app.html. Dette er same utgåve som Chrome applikasjonen og HTML5-utgåven på Geogebra Tube. Du kan og opne utgåva for nettbrett ved å surfe på nettbrettet til Geogebras nettside og klikke på Last ned.
Problem
Om du skulle få problem med installasjonen, kan du sjå på denne sida for løysningar.