Vilkår for visning
I tillegg til å berre vise eller skjule eit objekt kan du også setje vilkår som avgjer om objektet er synleg eller ikkje. Til dømes kan du setje eit objekt til å vere synleg dersom ein avkryssingsboks eller glidar i grafikkfeltet har ein bestemt verdi.
Vilkår for visning av eksisterande objekt
Du kan bruke verktøyet Avkryssingsboks for å vise og skjule objekt for å lage ein avkryssingsboks som kontrollerer synlegheiten av eit eller fleire eksisterande objekt.
Alternativt kan du lage ein boolsk variabel (t.d. b = true
) ved å bruke inntastingsfeltet og gjere det til ein synleg avkryssingsboks i grafikkfeltet ved å endre synlegheitsstatusen (t.d. ved å bruke verktøyet Vis eller skjul objekt eller kontekstmenyen). For å bruke denne boolske variabelen som eit vilkår for synlegheit for spesifikke objekt må du følgje stega i forklaringa under.
Endre synlegheit på nyleg laga objekt
I eigenskapar kan du skrive inn vilkår for visning av eit objekt under fana Avansert.
- Merk: Du kan bruke logiske operatorar (t.d. ≠, ≥, ˄, ‖) frå nedtrekksmenyen for å setje vilkår.
- Døme:
- Dersom a er ein glidar, så vil vilkåret a < 2 tyde at objektet i grafikkfeltet er synleg når glidaren har ein verdi lågare enn 2.
- Dersom b er ein boolsk variabel kan du bruke b som eit vilkår. Objektet er synleg når b er true og skjult når b er false.
- Dersom g og h er to linjer og du at ein tekst skal vere synleg når dei er paralelle kan du bruke g∥h som vilkår for teksten.