Objekteigenskapar

Denne sida er ein del av den offisielle manualen for utskrift og pdf. Vanlege brukarar kan ikkje redigere slike sider. Ver vennleg og ta kontakt med oss dersom du finn feil på denne sida.Gå til versjonen som kan redigerast av brukarane.

Dei følgjande innstillingane kan verte endra via dialogboksen for eigenskapar.

Synleg

Du kan vise eller skjule objekt i grafikkfeltet på fleire måtar:

Du kan bruke verktøyet Vis eller skjul objekt.
Opne kontekstmenyen og vel menypunktet Vis objekt.
I algebrafeltet vil det lille ikonet til venstre for kvart objekt vise om det er skjult eller ikkje. Du kan trykkje på ikonet for å bytte mellom synleg og skjult.
Du kan også bruke verktøyet Avkryssingsboks for å vise og skjule objekt for å vise eller skjule eitt eller fleire objekt.

Merk: For å gjere eit objekt usynleg i algebrafeltet må du gjere det til eit hjelpeobjekt.

Du kan definere eit objekt til å vere låst i eigenskapar. Låste objekt (både frie og avhengige) kan ikkje verte flytta, omdefinert eller sletta.

For lukka kurver og områder kan du spesifisere fyll under fana Stil i eigenskapar. Det er tre formar for fyll:

Standard: Fyller objektet med fargen spesifisert under fana Farge. Den same fargen vert brukt til å teikne omrisset til objektet. Under fana Farge kan du også endre fyllgraden (objekt med fyllgrad 0 er til dømes gjennomsiktige).
Skravering: Objektet vert skravert og du kan setje vinkel på skraveringa og avstand mellom stripene. Tjukkleiken på skraveringa er lik den på omrisset til objektet.
Bilde: Du kan spesifisere eit bilde på datamaskina. Bildet vert repetert periodisk. Storleiken er låst i pikslar og øvre venstre hjørne vert plassert i øvre venstre hjørne av visninga.