Innstillingar for grafikkfeltet
Hovudkomponentar
Oppsett
Menyar
Dialogboksar
For å justere den synlege delen av grafikkfeltet, kan du dra i det med verktøyet Flytt grafikkfeltet eller ved å zoome på ein av følgjande måtar:
- Du kan bruke Forstørr og Forminsk Verktøy for å zoome grafikkfeltet inn og ut.Merk: Posisjonen du trykkjer på vert sentrum for zoominga.
- Du kan bruke rullehjulet på musa for å zoome.
- Du kan bruke hurtigtastane Ctrl + + for å zoome inn og Ctrl + - for å zoome ut.
- Du kan bruke kontekstmenyen som du opnar ved å høgreklikke (Mac OS: Ctrl-klikk) ein tom stad i grafikkfeltet.
- Du kan angje eit zoom-rektangel ved å høgreklikke (Mac OS: Cmd-klikk) på ein tom stad i grafikkfeltet og dra musa til du har det ønska zoom-rektangelet. Slipp museknappen for å fullføre. Den synlege delen av grafikkfeltet vil då vere det området som var innanfor zoom-rektangelet.
- Du kan også angje eit område for x- og y-aksen i dialogboksen for eigenskapar for grafikkfeltet (sjå under).
Vise og skjule objekt
I algebrafeltet viser ikonet til venstre for kvart objekt om det er synleg eller ikkje. Ved å trykkje på dette ikonet kan du skjule/vise objektet. For meir informasjon sjå sida om synlegheit.
Eigenskapar for grafikkfeltet
Koordinataksane, rutenettet og nokre andre eigenskapar kan verte tilpassa ved hjelp av Eigenskapar for grafikkfeltet. Høgreklikk i grafikkfeltet og vel Grafikkfelt 1/2... som vert vist i kontekstmenyen.
Tilpassing av koordinataksar og rutenett
For å vise eller skjule aksane og rutenettet, høgreklikk (Mac OS: Ctrl-klikk) i grafikkfeltet og vel Aksar eller Rutenett frå kontekstmenyen. For fleire innstillingar må du opne dialogboksen for eigenskapar. Der finn du:
- Under fana Basis, kan du til dømes endre linjestil og farge for koordinataksane, samt angje forholdet mellom aksane. For å sikre at forholdet mellom aksane ikkje kan verte endra av ein kommando eller handling frå brukaren kan du låse det med låseikonet.
- Ved å klikke på fanene xAkse og yAkse kan du tilpasse aksane individuelt, setje avstanden til aksemerka, namn på aksen, synlegheit, setje eining med meir. Dersom du ønskjer at aksane skal krysse i eit punkt (a, b), kan du sette Kryss ved parameter for xAkse til b og yAkse til a. Alternativt Fest til kanten som betyr at linja forblir nær botn eller venstre kant av skjermen. For å teikne berre den delen av koordinatsystemet som er til høgre eller over skjeringa mellom aksane kan du velje Berre i positiv retning.
- Under fana Rutenett, kan du endre farge og linjestil for rutenettet, setje avstand mellom strekane, og velje om det skal vere synleg eller ikkje. Tre typar rutenett er tilgjengelege: Kartesisk, Polar og Isometrisk.
- Akseskalering er mogleg i kvar modus ved å trykkje og halde inne Skift-tasten (PC: også Ctrl-tasten) medan du drar aksen med musa.
- Området for aksane kan vere dynamisk, til dømes under Basis fana kan du setje x-min til
x(A)
og y-min tily(A)
for å sikre nedre venstre hjørne av visninga er i punkt A. Du kan då ikkje zoome i visninga.
Du kan leggje navigasjonslinja for konstruksjonsforklaringa til grafikkfeltet ved å aktivere den under fana Basis i eigenskapar for grafikkfeltet. Du kan også leggje på avspillingsknappen for å tillate animerte konstruksjonstrinn og ein knapp for å vise konstruksjonsforklaringa.
Diverse innstillingar
Dese innstillingane er plassert i siste del av Basis fana.
- Bakgrunnsfarge
Let deg endre bakgrunnsfarga til grafikkfeltet.
- Verktøytips
Let deg setje oppførselen til verktøytips i grafikkfeltet. Sjå eigen artikkel om verktøytips for detaljar.
- Vis mus-koordinatar
Aktiverer visning av mus-koordinatar ved sida av musepekaren.